நீலகண்டனின் வடிவமே போற்றி

நெஞ்சத்தில் உறைந்த லிங்கமே போற்றி
நிறைவைத் தந்திடும் ஜோதியே போற்றி
எது வந்த போதிலும் காப்பாய் போற்றி
எதுவரையாகிலும் வாழ்விப்பாய் போற்றி

நித்தமும் நினைவை விட்டகலாய் போற்றி
நீலகண்டனின் வடிவமே போற்றி
பற்றற்ற நிலையைக் காட்டினாய் போற்றி
பற்றிய கொள்கையைக் காப்பாய் போற்றி

சரணங்கள் பணிந்தேன் லிங்கேஸ்வரா
சித்தமெலாம் நிறைந்தே குருவே பணிந்தேன்

சக்தி சக்திதாசன்